Central Bank of Myanmar

၃။ မြန်မာနိုင်ငံတော်ဗဟိုဘဏ်ကို ကိုယ်ပိုင်အမည်ဖြင့် စဉ်ဆက်မပြတ် ဆက်ခံဆောင်ရွက်ပိုင်ခွင့်၊ တရားစွဲဆိုနိုင်ခွင့်၊ တရားစွဲခံနိုင်ခွင့်ရှိသော တရားဝင်အဖွဲ့အစည်းဖြင့် ဤဥပဒေဖြင့် တည်ထောင်သည်။

၄။ ဗဟိုဘဏ်၏ ရုံးချုပ်ကိုရန်ကုန်မြို့တွင်ထားရှိရမည်။ ဗဟိုဘဏ်သည် ပြည်တွင်းတွင်ဖြစ်စေ၊ ပြည်ပတွင်ဖြစ်စေ၊ ဘဏ်ခွဲ များနှင့် ကိုယ်စားလှယ်ရုံးခွဲများဖွင့်လှစ်နိုင်သည်။

၅။ ဗဟိုဘဏ်၏အဓိကရည်မှန်းချက်မှာ ပြည်တွင်းပြည်ပတွင် မြန်မာ့ကျပ်ငွေတန်ဖိုးခိုင်ခန့်တည်မြဲစေရန် ဖြစ်ရမည်။

၆။ ဗဟိုဘဏ်သည် မိမိ၏အဓိကရည်မှန်းချက်နှင့်အညီ အောက်ပါရည်ရွယ်ချက်များကိုလည်း ကြိုးပမ်းဆောင်ရွက်ရမည်-
(က) ထိရောက်သောငွေပေးချေမှုစနစ်များ၊ ငွေကြေးလွယ်ကူမှု၊ ကြွေးမြီပေးဆပ်နိုင်မှု၊ အခြေခိုင်သောငွေရေး ကြေးရေးစနစ်၏ နည်းလမ်းတကျဆောင်ရွက်မှုတို့ကို တိုးတက်ကောင်းမွန်အောင်ဖော်ဆောင်ရန်၊
(ခ) အစီအစဉ်တကျ၊ ဟန်ချက်ညီညီနှင့် ရှင်သန်သော စီးပွားရေးဖွံ့ဖြိုးမှုကိုဖြစ်ထွန်းစေမည့် ငွေကြေး၊ ချေးငွေနှင့် ငွေရေးကြေးရေးအခြေအနေများကိုအားပေးဖော်ဆောင်ရန်။

၇။ ဗဟိုဘဏ်သည် မိမိ၏အဓိကရည်မှန်းချက်နှင့်အညီ ရည်ရွယ်ချက်များထမြောက်အောင်မြင်စေရန် ကြိုးပမ်းဖော်ဆောင် ရာတွင် ယေဘုယျအားဖြင့် ဗဟိုဘဏ်တစ်ခုအား အပ်နှင်းလေ့ရှိသည့် လုပ်ပိုင်ခွင့်အားလုံးကိုရရှိ၍ ယင်းလုပ်ပိုင်ခွင့်များကို ကျင့်သုံးဆောင်ရွက်နိုင်သည်။