Central Bank of Myanmar

နိုင်ငံခြားသုံးငွေလုပ်ငန်းလိုင်စင်များ ခွင့်ပြုထုတ်ပေးခြင်း

          မြန်မာနိုင်ငံတော်ဗဟိုဘဏ်၊ နိုင်ငံခြားသုံးငွေစီမံခန့်ခွဲမှုဌာနသည် နိုင်ငံခြားသုံးငွေစီမံခန့်ခွဲမှုဥပဒေနှင့်အညီ နိုင်ငံခြားသုံးငွေလုပ်ငန်းလိုင်စင်များကို စိစစ်ခွင့်ပြုထုတ်ပေးလျက်ရှိပါသည်။ လိုင်စင်များသည် ထုတ်ပေးသည့်နေ့မှစ၍ (ငါးနှစ်) တိတိ သက်တမ်းရှိ၍ နောက်ထပ် (ငါးနှစ်) သက်တမ်းအတွက် ဆက်လက်လုပ်ကိုင်ရန် လိုင်စင်သက်တမ်း မကုန်ဆုံးမီ တစ်လအလိုတွင် လျှောက်ထားရမည် ဖြစ်ပါသည်။

၁။      နိုင်ငံခြားသုံးငွေများ ရောင်းဝယ်ဖောက်ကားသည့် လုပ်ငန်းလိုင်စင်

          နိုင်ငံခြားသုံးငွေများ ရောင်းဝယ်ဖောက်ကားသည့် လုပ်ငန်းလိုင်စင်ရရှိသူဆိုသည်မှာ နိုင်ငံခြားသုံးငွေလုပ်ငန်းအပါအဝင် နိုင်ငံခြားဘဏ်လုပ်ငန်းလုပ်ကိုင်ခွင့်ရရှိသည့်ဘဏ်ကို ဆိုလိုသည်။ ယင်းလိုင်စင်ကို နိုင်ငံပိုင်ဘဏ်များဖြစ်သည့် မြန်မာ့စီးပွားရေးဘဏ်၊ မြန်မာနိုင်ငံခြားကုန်သွယ်မှုဘဏ်နှင့် မြန်မာ့ရင်းနှီးမြှုပ်နှံမှုနှင့်ကူးသန်းရောင်းဝယ်ရေးဘဏ် တို့အားလည်းကောင်း၊ ပုဂ္ဂလိကဘဏ် (၁၉) ဘဏ်အားလည်းကောင်း၊ နိုင်ငံခြားဘဏ်ခွဲ (၁၃) ဘဏ်အားလည်းကောင်း ထုတ်ပေးထားပါသည်။ သတ်မှတ်လိုင်စင်ကြေးများမှာ အောက်ပါအတိုင်းဖြစ်ပါသည်-

၂။      နိုင်ငံခြားငွေများ ဝယ်ယူရောင်းချလဲလှယ်ပေးခွင့်လိုင်စင်

          နိုင်ငံခြားငွေများ ဝယ်ယူရောင်းချလဲလှယ်ပေးခွင့်လိုင်စင်ရရှိသူဆိုသည်မှာ နိုင်ငံခြားသုံးငွေလုပ်ငန်း လုပ်ကိုင်ရာတွင် နိုင်ငံခြားငွေ ငွေသားနှင့် ခရီးသွားချက်လက်မှတ်များကိုသာ လက်ခံဝယ်ယူရောင်းချခွင့်ရှိသူကို ဆိုသည်။ ယင်းလိုင်စင်ကို ကူးသန်းရောင်းဝယ်ရေးဘဏ်များနှင့် ဘဏ်မဟုတ်သော ကုမ္ပဏီအဖွဲ့အစည်းများအား နိုင်ငံခြားသုံးငွေစီမံခန့်ခွဲမှုဥပဒေ၊ စည်းမျဉ်းတို့တွင် ပြဋ္ဌာန်းချက်များနှင့်အညီ ထုတ်ပေးပါသည်။ သတ်မှတ်လိုင်စင်ကြေးများမှာ အောက်ပါအတိုင်း ဖြစ်ပါသည်-

(က)   ကူးသန်းရောင်းဝယ်ရေးဘဏ်များ

(ခ)     ဘဏ်မဟုတ်သောကုမ္ပဏီအဖွဲ့အစည်းများ